يرجا التكرم بالدخول اذا كنت عضو معنا
الرئيسية
من طرف أشكك في غرامه دووم// أنشف ريقه ودمه
تعذب قلبه أوهامي وأنا ظنوني تعذبني
محال اليوم يمر بدون زعل،، لا يمكن أتمه
غصب أخلق مشاكل له وأجننه ويجنني
أجي وأحوس له جوه وأزيد بهمه وغمه
وإذا هو اشتكى أبكي وأقول إنك ماتفهمني
يحاول يبتسم لكن يقول آلآآآآآهـ من همه
يقول أرجوك أبي أفهم وش المطلوب بس مني
عطيتك قلبي وروحي وأحبك واعشقك جمه
ولا غيرك أبد إنسان يبعثرني ويلملمني
تشوف العين ومهما تشوف مكانك باقي بالقمه
وحيده داخل فؤادي ومنك الشك متعبني
دخيلك إفهمي حبي ماراح أعيد (هالكلمه)
ترى صبري وصل حده و مابه شي يجبرني
بأن أتحمل جنونك وأشوفك منتي مهتمه
بأني أنبسط وأفرح،،وقربك مو مريحني
خفوقي يعشقك وإنتي خفوقك مانظر يمه
ذبحني شكك وخوفك،،ترى طبعك ما يعجبني
دخيلك وش به مقصر أبي تقولين وأتمه
حلفت الفين ما أخونك وقلبك مو مصدقني
صرخت وقلت: بعض جنون،مثل ما تشتهي سمه
ولكن قلبي متأكد وأحس إنك ما تعشقني
ويوم إنهلت دموعي بدى يمسحهن بكمه
وقال ألحين أبي أسأل وأبي قلبك يجاوبني
أخذ راسي إلى قلبه وقال أبي بهالضمه
تسمع دقه الخفاق ومآ تلقاه علمني..
وقمت أسمع أنا أحبك وهو مآ قالها بفمه
وعينه تحكي الإحساس أكلمها و تكلمني
ورحت أبكي على صدره وقال ألحين بالذمه:
لو إني ما أعشقك وش إللي على هبالك مصبرني؟؟!
