يرجا التكرم بالدخول اذا كنت عضو معنا
الرئيسية
من طرف انا استحـي منـك واجاملـك واهابـك
ولاجيت ابقولها لـك ترجـف اعظامـي
مليـت اداري الغـلا واهيـم واشقابـك
ومليت اشوفك سحايب وارجع الظامـي
وتعبت مـن كثـر ترحابـي وترحابـك
وتعبت اشوفك حقايق واجهـل اوهامـي
اموت واعرف شعـورن فيـك ينتابـك
وتموت وتعرف سبايب عظـة شفاتـي
مسيـرة العمـر جابتنـي علـى بابـك
وعليـك حسبـة ليـل العمـر وايامـي
وماكتبتـك غـلا اوعــدك لقـرابـك
وعن حب غيرك عهد لنكـس اعلامـي
اعجابي اسعدك وانا اسعدنـي اعجابـك
وصار الغـلا بيننـا محتـوم والزامـي
حمامة الشوق طارت بي مـع اسرابـك
من وين امد النظـر صورتـك قدامـي
ارسم تفاصيل عينك واعشـق اهدابـك
واضيع بين السطـور وتدمـع اقلامـي
تدري وش اللي حصل يالترف باسبابـك
اسهر اناجيـك اليـن تمـر باحلامـي
وتدري وش اللي ذبحني وحرق اعصابك
لاجيت ابقول احبـك ترجـف اعظامـي
